نىعماتۋلين ۆولودينمەن كەزدەستى

سانكت-پەتەربۋرگتەگى 137-ءشى پارلامەنتارالىق وداق اسسامبلەياسىنا بارعان ءماجىلىس توراعاسى نۇرلان نىعماتۋلين  رف مەملەكەتتىك دۋماسىنىڭ توراعاسى ۆياچەسلاۆ ۆولودينمەن پارلامەنتارالىق ءوزارا ءىس-قيمىل ماسەلەلەرىن تالقىلادى.

اڭگىمەلەسۋ بارىسىندا تاراپتار قازاقستان مەن رەسەي اراسىنداعى قارىم-قاتىناستىڭ سيپاتى، ەكى ەل پرەزيدەنتتەرىنىڭ ستراتەگيالىق سەرىكتەستىگىنىڭ ايعاعى ەكەندىگىن اتاپ ءوتتى، دەپ حابارلايدى  ءماجىلىستىڭ ءباسپاسوز قىزمەتى. سونىمەن قوسا ن. نىعماتۋلين مەن ۆ.ۆولودين مەملەكەت باسشىلارىنىڭ كەلىسىمدەرىن قازاقستاندىق جانە رەسەيلىك دەپۋتاتتاردىڭ زاڭنامالىق قولداۋىنىڭ ماڭىزدىلىعىنا توقتالدى.

سونداي-اق، ەكىجاقتى قاتىناستار جانە ۇقشۇ پارلامەنتتىك اسسامبلەياسى اياسىندا ىنتىماقتاستىقتى ارتتىرۋ ماسەلەلەرى تالقىلاندى. ەۋرازيا ەلدەرى سپيكەرلەرىنىڭ وتىرىسى، ءماجىلىس پەن مەملەكەتتىك دۋمانىڭ بەيىندى كوميتەتتەرى مۇشەلەرىنىڭ بىرلەسكەن كەزدەسۋى جانە ىنتىماقتاستىق جونىندەگى پالاتاارالىق كوميسسيا سياقتى ماڭىزدى الاڭدارعا نازار اۋدارىلدى.

 

ۇقساس جاڭالىقتار

Back to top button