كاتالونيا باسشىسى: اۋەلى مادريدپەن كەلىسسوز جۇرگىزەمىز

كاتالونيا ايماعىنىڭ باسشىسى كارلەس پۋچدەمون 10 قازاندا ايماق پارلامەنتىندە كاتالونيانىڭ يسپانيادان ءبولىنۋ قۇقىعىنا يە بولعانىن، بىراق ەڭ الدىمەن مادريدپەن كەلىسسوز جۇرگىزەتىنىن مالىمدەدى.

پۋچدەمون مەن ايماقتىڭ وزگە باسشىلارى بۇدان سوڭ كاتالونيانىڭ تاۋەلسىزدىگىن جاريالايتىن قۇجاتقا قول قويدى.

بىراق كاتالونيا ۇكىمەتىنىڭ ءباسپاسوز حاتشىسى France Press اگەنتتىگىنە پۋچدەمون قۇجاتقا قول قويىلعان سوڭ ونى جاريالاۋدى بىردەن توقتاتقانىن ايتتى.

يسپانيا پرەمەر-ءمينيسترىنىڭ ورىنباسارى سورايا ساەنتس دە سانتاماريا پۋچدەموننىڭ ءسوزىن قاتتى ايىپتاپ، ول مادريدپەن كەلىسسوز جۇرگىزگىسى كەلسە «ەڭ الدىمەن زاڭعا باعىنۋى ءتيىس» ەكەنىن مالىمدەدى. سانتاماريا يسپانيا ۇكىمەتى پۋچدەموننىڭ كەلىسسوز جۇرگىزۋ تۋرالى ۇسىنىسىنا بەرەر جاۋابىن 11 قازاندا تالقىلايدى.

كاتالونيادا 1 قازاندا يسپان پوليتسياسىنىڭ قارسىلىعىنا قاراماستان تاۋەلسىزدىك جونىندە رەفەرەندۋم وتكەن سوڭ پۋچدەمون ايماقتىڭ يسپانيادان تاۋەلسىزدىگىن جاريالاۋعا ۋادە بەرگەن.

Back to top button