ەلىمىزدەگى بوكس ەرەجەلەرىنە وزگەرىس ەنگىزىلدى

قازاقستان بوكس فەدەراتسياسىنىڭ شەشىمىمەن ۇيىم جارىستارىنا قاتىسپايتىن سپورتشىلار الەم چەمپيوناتتارىنا بارا المايدى، دەپ xابارلايدى قازاقپارات.

«ءبىز اتقارۋشى كوميتەتتىڭ بيۋروسىندا وسىنداي شەشىم قابىلدادىق. بۇگىندە كەيبىر وبلىستىق اكىمدىكتەر قازاقستاننىڭ بوكس فەدەراتسياسى كۋبوگىنا قاتىسۋعا ءوز كوماندالارىنا اقشا بەرمەي وتىرادى. ەندى، فەدەراتسيا كۋبوگىنا قاتىسپايتىن سپورتشىلار الەم چەمپيوناتتارىنا جولداما الا المايدى. سوندىقتان فەدەراتسيا جەتەكشىلەرىنە ايتارىم، وسىنى وبلىستىق سپورت باسقارماسى باسشىلارىنا جەتكىزىپ بارىڭدار. كوماندالار كۋبوكقا قاتىسۋى ءتيىس»، – دەدى قبف پرەزيدەنتى تيمۋر ق ۇلىباەۆ بۇگىن ۇيىمنىڭ جىل سايىنعى كونفەرەنتسياسىندا.

بۇگىنگى شارا اياسىندا باپكەرلەر مەن بوكس سالاسىنىڭ بىرقاتار ماماندارى ماراپاتتالدى. اتاپ ايتقاندا، «قازاقستان بوكسىن دامىتۋداعى ەڭبەگى ءۇشىن» اتاعىنا قبف ۆيتسە-پرەزيدەنتى دانيار ابىلعازين، ۇيىم باسشىسىنىڭ باپكەرلەر شتابىمەن جۇمىس جونىندەگى ورىنباسارى يۋري تسحاي، مەملەكەتتىك باپكەر بولات ءابدىراحمانوۆ، باس باپكەر مىرزاعالي ايتجانوۆ، ايەلدەر بوكسى بويىنشا مەملەكەتتىك باپكەر قايرات ماناشەۆ، ايەلدەر قۇرامىسىنىڭ باس باپكەرى ۆاديم پريسياجنيۋك جانە بوكس تاريxىن جازىپ جۇرگەن قاسىم ماۋلەنوۆ يە بولدى. ال «قازاقستان بوكسىنىڭ ارداگەرى» ماراپاتى قازاق كسر باپكەرى اندرەي رايش، قازاقستاننىڭ ەڭبەگى سىڭگەن باپكەرلەرى – بوريس تسحيراشۆيلي، فەليكس تسوي، ۆلاديمير شايرەر مەن الماتى وبلىستىق فەدەراتسياسىنىڭ قۇرمەتتى پرەزيدەنتى  اسقار-ءماديحان ساۋدانبەكوۆكە تابىستالدى.

 

ۇقساس جاڭالىقتار

Back to top button