بالۋان قازاق كۇرەسىنەن الەم چەمپيونى اتاندى

بەلارۋس رەسپۋبليكاسىنىڭ استاناسى مينسكتە اياقتالعان قازاق كۇرەسىنەن الەم چەمپيوناتىندا قوستانايلىق ەرلان وماروۆ توپ جارىپ، التىن مەدال تاقتى.

«ەل نامىسىن ارقالاپ كەلگەن سوڭ اۋەلگى مىندەت ابىرويمەن كۇرەسۋ بولدى. قالاۋىن تاپساڭ، كەز كەلگەن قيىندىقتان وتۋگە بولادى. ايتپەسە، بىردە رەسپۋبليكالىق تۋرنيردە جەڭىپ كەلە جاتىپ، بەلدەسۋدىڭ اياقتالۋىنا 20 سەكۋند قانا ۋاقىت قالعاندا، ۇتىلىپ قالعانىم بار… ۇلكەن زالدا قانشاما مىڭ ادام ساعان كوز تىگىپ وتىرادى. ايعاي-قيقۋ، مۋزىكا، جارىقتىڭ ءبارى ساعان اسەر ەتەدى. سول كەزدە ەڭ الدىمەن پسيحولوگيالىق ىشكى تۇيسىك دايىندىعى اسا قاجەت. ەگەر ءوز-ءوزىڭدى سول جەردە قايراي بىلسەڭ، ءسوز جوق، جەڭىسكە جەتتىڭ!» دەيدى بالۋان.

ەرلەر اراسىندا 7-ءشى رەت، ايەلدەر اراسىندا تۇڭعىش رەت وتكىزىلدى. دۇنيەجۇزىلىك قازاق كۇرەسى فەدەراتسياسى جانە بىرىككەن كۇرەس وداعى ۇيىمداستىردى. بارلىعى وتىزعا جۋىق ەلدەن بالۋاندار قاتىستى. بۇل قازاقتىڭ ءتول سپورت ونەرىنىڭ دامىعانىن كورسەتەدى. بيىلعى əلەم چەمپيوناتى داڭقتى سپورتشى، بەلارۋس قازاق كۇرەسى فەدەراتسياسىنىڭ قۇرمەتتى پرەزيدەنتى الەكساندر مەدۆەدتىڭ قۇرمەتىنە وراي ۇيىمداستىرىلدى. سونداي-اق، تۇڭعىش رەت نازىكجاندىلار اراسىندا الەم چەمپيوندارى انىقتالدى.

ۇقساس جاڭالىقتار

Back to top button