بيلىكتى كۇشپەن باسىپ الماق بولعان قىرعىز دەپۋتاتى قامالدى

قىرعىزستاننىڭ مەملەكەتتىك ۇلتتىق قاۋىپسىزدىك كوميتەتى 30 قىركۇيەك كۇنى جوگوركۋ كەنەش دەپۋتاتى قاناتبەك يساەۆ پەن بىرنەشە ادامدى باس پروكۋراتۋرا قوزعاعان قىلمىستىق ءىس اياسىندا ۇستادى دەپ حابارلايدى ازاتتىقتىڭ قىرعىز قىزمەتى.

«قىلمىستىق ءىس ماتەريالدارى بويىنشا، پرەزيدەنتتىككە كانديدات ومىربەك بابانوۆتىڭ بەلسەندى جاقتاسى قاناتبەك يساەۆ ۇيىمداسقان قىلمىستىق توپتاردىڭ وكىلدەرىمەن ءسوز بايلاسىپ، قىرعىزستان پرەزيدەنتى سايلاۋى كەزىندە جانە ودان كەيىن جاپپاي تارتىپسىزدىكتەردى ۇيىمداستىرۋ جانە كەيىن بيلىكتى كۇشپەن باسىپ الۋ ماقساتىمەن جاستاردى، سوعان قوسا ۇيىمداسقان قىلمىستىق توپ مۇشەلەرىن ىرىكتەپ، اقشا بەرىپ، دايىنداعان، ولاردى داۋىس بەرۋ ناتيجەسى بۇرمالاندى دەگەندى جەلەۋ ەتىپ زاڭسىز اكتسيالارعا پايدالانباقشى بولعان»، – دەپ حابارلاعان قىرعىزستان مەملەكەتتىك ۇلتتىق قاۋىپسىزدىك كوميتەتى.

بۇعان دەيىن قىرعىزستان باس پروكۋراتۋراسى قاناتبەك يساەۆتىڭ ۇستىنەن «قىلمىسقا دايىندالۋ»، «جاپپاي تارتىپسىزدىك» جانە «بيلىكتى زاڭسىز كۇشپەن باسىپ الۋ نەمەسە بيلىكتى كۇشپەن ۇستاپ تۇرۋ» دەگەن باپتار بويىنشا قىلمىستىق ءىس قوزعالعانى تۋرالى حابارلاعان.

ۇقساس جاڭالىقتار

Back to top button