جۇمىسشىلارى قازا تاپقان قۇرىلىس نىسانىنىڭ باسشىسى قامالدى

قۇرىلىس كەزىندە جۇمىسشىلاردىڭ قازا بولۋىنا بايلانىستى استاناداعى قۇرىلىس نىسانىنىڭ باسشىسى قاماۋعا الىندى دەپ حابارلايدى ىشكى ىستەر دەپارتامەنتىنىڭ ءباسپاسوز قىزمەتىنە سىلتەمە جاساعان NUR.KZ.

«استانا قالالىق ىشكى ىستەر دەپارتامەنتىنىڭ تەرگەۋ باسقارماسى الاش كوشەسىندەگى قۇرىلىس نىسانىندا ەكى قۇرىلىسشىنىڭ قازا بولۋ فاكتىسىنە قاتىستى قىلمىستىق كودەكستىڭ 277-بابى بويىنشا (ابايسىزدا ەكى جانە ودان كوپ تۇلعانىڭ ولىمىنە الىپ كەلگەن قۇرىلىس جۇمىستارىنىڭ قاۋىپسىزدىك ەرەجەلەرىن بۇزۋ) سوتقا دەيىنگى تەرگەۋدى باستادى»، – دەپ حابارلادى ءىىد.

پوليتسيا قىزمەتى انىقتاعانداي، قابىرعانىڭ قۇلاۋى جابىندى پليتانىڭ ۇستىندە قۇرىلىس ماتەريالدارىنىڭ شامادان تىس بولۋىنان ورىن العان.

«جۇكتى ارتۋ-ءتۇسىرۋ جۇمىستارىنا جاۋاپتى قۇرىلىس نىسانىنىڭ باسشىسى، 1970 جىلى تۋعان قازاقستان ازاماتى، قىلمىستىق-پروتسەسسۋالدىق كودەكستىڭ 128-بابىنا سايكەس ۇستالىپ، ءىىد-ءنىڭ ۋاقىتشا ۇستاۋ اباقتىسىنا جەتكىزىلدى. قاجەتتى ساراپتامالار تاعايىندالدى. تەرگەۋ جۇرۋدە»، – دەپ ءمالىم ەتتى ءباسپاسوز قىزمەتى.

ەسكە سالا كەتەيىك، كەشە ەلوردادا قۇرىلىس نىسانىندا جابىندى پليتانىڭ جانە قابىرعانىڭ وپىرىلىپ قۇلاۋى سالدارىنان ەكى ادام مەرت بولىپ، ءۇشىنشى جۇمىسشى اۋرۋحاناعا جەتكىزىلدى.

ۇقساس جاڭالىقتار

Back to top button