جاڭا كەدەن كودەكسى ۇسىنىلدى

كەدەندىك باج سالىعى بويىنشا تولەمدەردى كەيىنگە قالدىرۋعا بولادى، – دەپ حابارلايدى استانا ارناسى.  

جاڭا كەدەن كودەكسى جوباسى وسىنداي جەڭىلدىكتەردى قاراستىرادى. سوڭعى ءۇش جىل بويى ەۋرازيالىق ەكونوميكالىق كوميسسيا وداقتىڭ جاڭا كەدەن كودەكسى جوباسىن ازىرلەگەن. قازاقستان بۇل قۇجاتقا 552 تۇزەتۋ جولدادى. بۇل بارلىق تۇزەتۋلەردىڭ 38 پايىزى. ولاردىڭ  65 پايىزى قابىلداندى. وداقتىڭ جاڭا كەدەن كودەكسى 2018 جىلعى 1 قاڭتاردان باستاپ كۇشىنە ەنۋى ءتيىس.

«مەملەكەت دەكلارانتقا پايىز تولەۋ ارقىلى ءبىر ايعا كەيىنگە قالدىرۋ قۇقىعىن بەرەدى. كەيبىر جاعدايلاردا پايىزدى تولەمەي-اق التى ايعا دەيىن ءبولىپ تولەۋ ۇسىنىلادى. ول: حالىقارالىق شارتتار شەڭبەرىندە جۇكتى جەتكىزۋ كەزىندە; اۋىل شارۋاشىلىعى تەحنيكاسىن، ەگىن جۇمىسىنىڭ ماتەريالدارىن، اسىل تۇقىمدى جانۋارلاردى اكەلۋ كەزىندە; تابيعي ءزىلزالا، تەحنولوگيالىق اپات نەمەسە توتەنشە جاعدايدا تاسىمالداۋشىعا زالال كەلتىرىلگەن كەزدە ۇسىنىلادى»، – دەيدى قر ۇلتتىق ەكونوميكا ءمينيسترىنىڭ ورىنباسارى ايباتىر جۇماعۇلوۆ.

قۇجاتتى قۇراستىرۋشى – ۇلتتىق ەكونوميكا مينيسترلىگى. ورىنداۋشى – مەملەكەتتىك كىرىس كوميتەتى.

 

ۇقساس جاڭالىقتار

Back to top button