اقتوبەلىك قىزىل كىتاپقا ەنگەن قۇستى اتتى

اقتوبەلىك قىزىل كىتاپقا ەنگەن قۇستى اتتى. اقتوبەنىڭ العا اۋدانىندا 45 جاستاعى كۇدىكتى قىزىل كىتاپقا ەنگەن بەزگەلدەكتى اتىپ الدى.

وقيعا بويىنشا قىلمىستىق ءىس قوزعالدى، دەپ حابارلايدى قازاقپارات ءتىلشىسى. اقتوبەنىڭ العا اۋدانىندا اڭ اۋلاپ، قۇس اتىپ جۇرگەن 45 جاستاعى كۇدىكتى ۇستالدى. ول موتوتسيكلمەن ءجۇرىپ ۇيرەك، قىزىل كىتاپقا ەنگەن بەزگەلدەكتى اتىپ العان. «جەرگىلىكتى پوليتسيا قىزمەتى 12 كاليبرلى اڭشى مىلتىعىن تاركىلەدى. وسى وقيعا بويىنشا قىلمىستىق كودەكستىڭ «وسiمدiكتەردىڭ نەمەسە جانۋارلاردىڭ سيرەك كەزدەسەتiن جانە قۇرىپ كەتۋ قاۋپi تونگەن، سونداي-اق پايدالانۋعا تىيىم سالىنعان تۇرلەرىمەن، ولاردىڭ بولىكتەرىمەن نەمەسە دەريۆاتتارىمەن زاڭسىز اينالىسۋ» بابى بويىنشا ءىس قوزعالدى»،- دەدى اقتوبە وبلىستىق ءىىد ءباسپاسوز جەتەكشىسى نۇرگۇل قوناقباەۆا.

ۇقساس جاڭالىقتار

Back to top button