بۇۇ بايانداماشىسى: قازاقستاندا 15 مىڭعا جۋىق مۇگەدەك جان وقشاۋلانىپ قالعان

بۇۇ قازاقستان بيلىگىنە مۇگەدەكتەرگە ارنالعان ۇيلەردى بىرتىندەپ جابۋعا كەڭەس بەرەدى. ەلگە ساپارىن قورىتىندىلاعان بۇۇ وكىلى ونداي مەكەمەلەردە «زورلىق-زومبىلىق تىم ءجيى بايقالادى» دەپ مالىمدەيدى.

بۇۇ-نىڭ مۇگەدەكتەر قۇقىقتارى جونىندەگى ارنايى بايانداماشىسى كاتالينا دەۆانداس اگيلار قازاقستاندا مۇگەدەكتەردى قوعامنان وقشاۋ ۇستايتىن مەكەمەلەردە 15 مىڭ ادام تۇرادى، ولاردىڭ ىشىندە بالالار دا بار دەپ مالىمدەدى.

ول قىركۇەيكتىڭ 4-ىنەن بەرى قازاقستاندا رەسمي ساپارمەن ءجۇر.

بۇۇ-نىڭ ارنايى بايانداماشىسى كاتالينا دەۆانداس اگيلاردىڭ مالىمدەۋىنشە، مۇگەدەك جانداردىڭ قۇقىعىن قورعاۋ كونۆەنتسياسىنا سايكەس، ونداي ادامداردىڭ الدەبىر بولەك ينتەرناتتاردا ەمەس، جۇرتتىڭ بارىمەن تەڭ ءومىر سۇرۋگە حاقى بار.

– ۇكىمەتكە ونداي مەكەمەلەرگە جاڭا ناۋقاستاردى قابىلداۋعا موراتوري جاريالاپ، ونداي مەكەمەلەردى جابۋدىڭ ناقتى جوسپارىن جاساۋدى جانە مۇگەدەك جانداردى قوعامداستىق دەڭگەيدە دەمەۋ جۇيەسىن دامىتۋعا كەڭەس بەرەمىن. الگى مەكەمەلەردە تۇرۋ ەشقاشان جەڭىلدىك نەمەسە الەۋمەتتىك تۇرعىدان قورعاۋ رەتىندە قاراستىرىلماۋى ءتيىس، – دەيدى كاتالينا دەۆانداس اگيلار.

 

Back to top button