قىرعىزستاندا ورىس ءتىلى ەكىنشى مەملەكەتتىك ءتىل بولۋى مۇمكىن

پارلامەنت دەپۋتاتى يرينا كارامۋشكينا قىرعىزستاندا ورىس ءتىلىن ەكىنشى مەملەكەتتىك ءتىل ەتۋدى ۇسىندى. ول بۇل جونىندە 2 قىركۇيەكتە جوگوركۋ كەڭەش وتىرىسىندا مالىمدەدى.

«كونستيتۋتسياعا سايكەس ءبىز زايىرلى دەموكراتيالىق مەملەكەتپىز. بىراق مەن ءبىر ەلدە بەس مەملەكەتتىك ءتىل بارىن بىلەمىن، ولاردا ەشقانداي نارازىلىق جوق. ءبىز دە ەلدە قىرعىز جانە ورىس ءتىلىن مەملەكەتتىك ءتىل ەتىپ جاريالاساق»، – دەپ مالىمدەمە جاسادى دەپۋتات ۆيتسە-پرەمەر شولپان سۇلتانبەكوۆانىڭ اتىنا.

يرينا كارامۋشكينا شىڭعىس ايتماتوۆتىڭ «قىرعىزستان بۇل ەكى قاناتىن بىردەي قاعىپ بيىكتە ۇشاتىن قۇس. بۇل قاناتتارى ورىس جانە قىرعىز ءتىلى» دەگەن سوزدەرىن مىسالعا كەلتىردى.

ۆيتسە-پرەمەر شولپان سۇلتانبەكوۆا «بۇل ۇلكەن ساياسي ماسەلە» دەپ جاۋاپ بەردى. «اۋدان جانە وبلىس وڭىرلەرىندە قىرعىز تىلىمەن پروبلەما جوق. وندا كەرىسىنشە، ورىس ءتىلى وتكىر بولىپ تۇر. ءبىز قىرعىز مەملەكەتىمىز. سول سەبەپتەن قىرعىز ءتىلى ءبىز ءۇشىن ماڭىزدى. ەگەر شەنەۋنىكتەر قىرعىزشا سويلەي باستاسا، ارينە كوپ ماسەلە شەشىلۋشى ەدى»، – دەپ اتاپ ءوتتى ۆيتسە-پرەمەر.

2001 جىلى قىرعىز كونستيتۋتسياسىنا ورىس ءتىلى رەسمي ءتىل بولىپ وزگەرتىلگەن.

ۇقساس جاڭالىقتار

Back to top button