Қарағанды облысында 193 шошқа тиелген жүк көлігі жол апатына түсті, деп хабарлайды turkystan.kz Қарағанды облыстық полиция департаментіне сілтеме жасап.
19 қыркүйекте сағат 09:00 шамасында "Астана" автожолының 188-ші шақырымында Теміртау қаласының өткелі ауданында "Scania" жүк көлігі жол апатына түсті.
"Алдын ала мәліметтер бойынша, 39 жастағы жүргізуші "Scania" көлігімен келе жатып, көлік құралын аударып жіберген. Жүк көлігі Көкшетау – Ташкент бағыты бойынша 193 бас шошқа тасымалдаған", - дейді полиция.
Жол - көлік оқиғасы салдарынан жануарлар далаға босып кеткен. Зардап шеккендер жоқ.
