Жамбыл облысының Жуалы аудандық соты қаруды заңсыз сақтау фактісі бойынша екі азаматқа қатысты 2 әкімшілік құқық бұзушылық туралы істі қарады, деп хабарлайды turkystan.kz.
2026 жылдың мамыр және маусым айларында полиция қызметкерлерінің мал жаю үшін фермаларды тексеру барысында 12 калибрлі «ТОЗ-Б» және 12 калибрлі «ИЖ-18» модельдері тіркелмеген тегіс ұңғылы атыс қаруын рұқсат құжаттарынсыз сақтау фактісі анықталған.
Құқық бұзушылар кінәні мойындады. Олардың бірінің айтуынша, ол қаруды далада мал жаю кезінде тауып алған.
Сот жеңілдететін және ауырлататын мән-жайларды анықтаған жоқ.
Сот, ауырлататын мән-жайлар мен материалдық жағдайды ескере отырып, құқық бұзушылардың біріне айыппұл мөлшерін 30%-ға азайтты.
Сот қаулыларымен екі азамат та ӘҚБтК 482-бабының 1-бөлігі бойынша кінәлі деп танылды. Олардың біріне 60 550 теңге, ал екіншісіне 86 500 теңге мөлшерінде айыппұл тағайындалды.
Қаулылар заңды күшіне енді.
