Танымал әнші Айгүл Иманбаева қазіргі күйеуі Ерланмен қалай танысқанын баяндады, деп хабарлайды turkystan.kz.
Ерланның айтуынша, олардың алғашқы кездесуі екі жылдан астам уақыт бұрын Нью-Йорк қаласында болған. Ол кезде Жаңа жыл мерекесінің қарсаңы еді.
"Біз 2 жылдан астам уақыт бұрын Нью-Йоркта таныстық. Жаңа жыл қарсаңы болатын. Мен Нью-Йоркқа қызыммен бірге Рождествоны қарсы алуға, достарыммен кездесеуге келемін. Олар Айнура және Ума деген екі апалы-сіңілі. Олар бір-бірімен көрші тұрады. Біз қызым Аружан екеуміз Айнураның үйіне орналастық. Нью-Йорктағы әдемі жерлерді көруге бардық. Айгүл Уманың үйіне орналасқан. Бізді 1 қабырға ғана бөліп тұрса да бір-біріміз жайлы ештеңе білмедік. Тек 31 желтоқсан күні ғана кездестік", – деді Ерлан.
Айгүл Иманбаева бұл таныстықты жай ғана кездейсоқтық емес, тағдырдың жазуы деп қабылдайтынын айтты. Әншінің сөзінше, сол уақытта өзі Лондонда оқып жүрген. Нью-Йоркке ұлы және келінімен бірге келген.
"Мен ол кезде өзім Лондонда оқимын. Уманың үйіне ұлыммен және келініммен келдім. Ал Ерлан Лос-Анджелесте тұрады. Ал қызы Аружан Лондонда оқиды. Солай 1 апта бойы бір-бірімізбен көрші жатып, бір-бірімізді көрмейміз. Дәл 31 желтоқсан күні кездесеміз. Мен бұны тағдыр деп айтар едім. Алла Тағала әр адамның маңдайына тағдырын өлшеп сызып жазып береді дейді. Бізге кездесуді Нью-Йоркта бұйырған екен", – деді Айгүл Иманбаева.
Әншінің айтуынша, олар бір апта бойы көрші пәтерлерде тұрғанымен, бір-бірін көрмеген. Тек Жаңа жыл қарсаңында жүздесіп, таныстықтары басталған.
