Ғалымдардың айтуынша, адам мен басқа да приматтарда ұрықтың алғашқы кезеңінде қысқа «құйыршық» болады, бірақ жүктіліктің шамамен сегізінші аптасында ол жойылып кетеді. Сондықтан адамда толыққанды құйыршық дамымайды, деп хабарлайды turkystan.kz.
Мәселенің түп-төркіні – эволюцияда. Шамамен 25-30 миллион жыл бұрын адамзаттың арғы аталары құйыршықты жануарлардан бөлініп, біртіндеп құйрықсыз маймылдарға айнала бастады. Кения аумағында табылған ежелгі приматтар, мысалы Ekembo туысына жататын түрлер, сыртқы жағынан шимпанзеге ұқсас болғанымен, олардың да құйрығы болмаған. Мұны олардың омыртқа түбіндегі сегізкөз құрылысы дәлелдейді ол құйыршықты ұстап тұруға бейімделмеген.
Ғалымдар құйрықтың жойылуын қозғалыс тәсілінің өзгеруімен байланыстырады. Ерте маймылдар ағаш арасында баяу қозғалып, төрт аяқпен жүрген. Мұндай жағдайда құйрық артық артықшылық бермеген, керісінше энергияны қажет еткен немесе жыртқыштарға ұсталып қалу қаупін арттырған.
Сондықтан эволюция барысында құйыршық біртіндеп жойылып, адам ағзасы қазіргі қалпына келген.
