__Bastı slayderJañalıqtar

«KazSat-2» jer serigi jwmısın toqtata ma?

Qazaqstanda «KazSat-2» jer serigin auıstırıp, radarlıq sputnikti wşırudı josparlap otır. Bwl turalı Astanada Qazaqstan men Reseydiñ ıntımaqtastığına arnalğan «döñgelek üstel» barısında tilşilerge QR Qorğanıs jäne aeroğarış önerkäsibi vice-ministri Marat Nwrğojin mälim etti, dep habarlaydı QazAqparat.
«Bizde sputnikterdi josparlı auıstıru şaraları eskerilgen. Ärbir apparatta qızmet körsetu merzimi bar. 2023 jılğa qaray «KazSat-2» jer serigin auıstıruğa tiispiz. Sonımen qatar bizde Jerdi qaşıqtıqtan zondtau jüyesi jwmıs isteude. Aua rayı jağdayına qaramaytın radarlıq sputnikti iske qosudı qarastırmaqpız, yağni ol kündiz de, tünde de jwmıs isteuge qauqarlı. Atap aytqanda, jer serikterin auıstıru boyınşa, sonday-aq qoldanıstağı jüyeni damıtu twrğısında jospar dayarladıq»,-dedi Nwrğojin. Onıñ sözine qarağanda, qazirgi kezde investiciyalıq joba qaralıp jatır. Äzirge «KazSat-2» apparatın almastıratın «KazSat-2-R» jer seriginiñ qwnı belgisiz. Bwdan bölek, vice-ministr bwrındarı «Zenit» zımırandarı wşırılğan «Bayqoñır» ğarış aylağındağı montajdı-sınaq keşeni Reseydiñ jalğa aluınan şığarılıp, qazaqstandıq «Bäyterek» käsipornına tapsıralatının ayttı. Osı rette «Bäyterek» keşeni üşin zımırandar Resey Federaciyası tarapınan jetkiziledi. Olar «Feniks» jobasınıñ ortaşa zımırandarı. Şamamen «Bäyterek» keşeninen osı zımırandardı wşıru 2024 jılğa josparlanıp otır. 

Back to top button