Apple компаниясы кейінгі онжылдықтардағы ең ірі кадр дағдарысын бастан кешіріп жатыр. Bloomberg жазғандай, компания чип әзірлеу бөлімінің жетекшісі Джони Сруджиден айырылуы мүмкін. Ол 17 жыл бойы Apple-дың кремний стратегиясын басқарған және компанияны өз M-процессорларына көшірудің негізгі архитекторы саналады, деп хабарлайды turkystan.kz.
Бір апта ішінде бірден бірнеше топ-менеджер қызметінен кетті: жасанды интеллект жетекшісі, интерфейс дизайнының басшысы, сондай-ақ компанияның бас заңгері мен мемлекеттік саясат жөніндегі жетекшісі. Төртеуі де тікелей Тим Кукке есеп беретін C-suite деңгейіндегі жетекшілер еді.
Мұндай кадр қозғалысы – Apple-дегі өте сирек құбылыс. Сарапшылардың пікірінше, бұл компанияның алдағы технология бағыттарын қайта қарастырып жатқанын немесе ішкі процестердегі турбуленттілікті көрсетеді. Кез келген жағдайда, Apple-дың алдағы қадамдары Кремний алқабында жіті бақыланатын болады. Себебі дәл білікті мамандардың кетуі экожүйенің ұзақ мерзімдегі стратегиясына әсер етуі мүмкін.
