2025 жылдың қыркүйек-қазанында Қазақстан 2 млн тонна бидай экспорттаған, деп хабарлайды turkystan.kz.
Ауыл шаруашылығы министрлігінің мәліметінше, өткен жылдың осы кезеңінде көрсеткіш 1,8 млн тоннаны құраған, бұл экспорттың тұрақты өсімін көрсетеді.
Мәселен, Өзбекстанға экспорт көлемі 42%-ға артқан — 738 мың тоннадан 1 049 мың тоннаға дейін, Қырғызстанға жеткізілім көлемі 2,6 есе өскен — 24 мыңнан 64 мың тоннаға дейін, Әзербайжанға — 3,1 есе — 18 мыңнан 56 мың тоннаға дейін, Ауғанстанға — 42,5%-ға — 73 мыңнан 104 мың тоннаға дейін, Түрікменстанға — 2,3 есе — 3 мыңнан 7 мың тоннаға дейін артқан.
Астық экспортының өсуі Қазақстанның халықаралық нарықтардағы позициясының нығайғанын және ұлттық ауыл шаруашылығы өнімдерінің бәсекеге қабілеттілігінің артқанын көрсетеді.
