__Bastı slayderQoğam

OQO därigerleri alğaş ret jürek almastıru otasın jasadı

Oñtüstik Qazaqstanda bwrın soñdı mümkin bolmağan jürek otaları jasaldı. Bwl turalı oblıstıq kardiologiya ortalığında Densaulıq saqtau basqarmasınıñ basşısı Mwqan Egizbaev mälimdedi.

Onımen birge Türkiyadan arnayı kelip Şımkentte şeberlik sabağın ötkizgen Istambwl qalası auruhanasınıñ bölim meñgeruşisi, medicina ğılımdarınıñ doktorı, professor Belham Akpinar, kardioortalıqtıñ bas därigeri, ğılım doktorı Spandiyar Bekjigitov baspasöz mäslihatın ötkizdi.

«Istıq ıqılas tanıtqandarıñızğa rahmet! Sizdermen täjiribe almasuğa, mümkindikterimdi körsetuge kömektesken azamattarğa erekşe alğısımdı bildirgim keledi. Eki künde jürektiñ qaqpaqşalar qwrılımdarın rekonstrukciyalau men protezdeu jäne intraoperaciondıq radiojiilik ablyaciyalaudı paydalana otırıp aortokoronarlıq şunttau otasın 5 nauqasqa jasadıq» dep söz bastadı Belham Akpinar.

Bwl ota jürektiñ işemiyalıq auruımen qatar, qaqpaqşalarınıñ zaqımdanuı anıqtalıp, ırğağınıñ bwzıluı asqınğan nauqastarğa jasalınadı.

– Türkiyadan arnayı kelgen bilikti däriger, professor Belham Akpinarğa alğısımız şeksiz. Bwl käsibi mamandardıñ maqsatı Oñtüstik Qazaqstan oblısında därigerlerdiñ biliktilikterin arttıru, halıqtıñ densaulığın jaqsartu, kürdeli otalardı därigerlerimizge üyretu. Bwrın mwnday otalar Almatı men Astanadağı respublikalıq ortalıqtarda ğana jasalıp kelgen bolsa, oblıstıq deñgeyde alğaş ret qolğa alındı. Bwl älemniñ kez kelgen damığan elinde jasala bermeytin kürdeli ota. Ayta ketuimiz kerek, jasalğan otalardıñ barlığı da memleket esebinen qarjılandırılğan. Tegin. Degenmen, ömir bir ornında qalıp qoymaydı. Biz bwl mamandarmen kelisimge keldik. Eger därigerlerimiz türik eline barıp, biliktilikterin jetildiretin bolsa, jol şığındarınan basqasın, as-auqatınan bastap, jatatın ornı men oquına deyingi şığındardı tügel Türkiya tarapı öz mindetine alıp otır. Bwl oblıs därigerlerine berilgen mol mümkindik, ülken kömek dep oylaymın. Keleşekte mwnday kürdeli otalardı özimizdiñ därigerlerimiz de jasay beretin boladı, – dedi Mwqan Keñesbekwlı.

«Bwl bir adamnıñ qolınan keletin ota emes, keminde üş däriger qatısadı. Otanıñ alğaşqı kezeñin bizdiñ qatısuımızben Belham mırza jasadı. Odan keyingisin men jasadım, professordıñ keñesimen. Bärimiz üyrendik. Otağa baylanıstı swraqtarımızğa qanağattanarlıq jauabımızdı aldıq. Qajetti derekterdi jazıp aldıq. Oqıp, oñ nätije şığarıp, äri qaray jalğastıra alatınımızğa senimdimin. Köpşiliktiñ közinşe uäde de bere alamın. Bügin sonıñ ayğağı retinde özimiz ota jasaytın bir nauqastı otağa dayındap jatırmız» dep ağınan jarıldı kardiohirurgiya böliminiñ meñgeruşisi Bauırjan Baytöre.

Soñğı eki jılda oblıstıq kardioortalıqta 620 jürekke ota jasalınıptı, 2015 jılı – 310, 2016 jılı – 310. Qazaqstanda kardiohirurgiyalıq ota jasaytın 27 ortalıq bar. Sonıñ işindegi Almatı qalasındağı A.Sızğanov atındağı Wlttıq ğılımi hirurgiya ortalığında bıltır 274 ota jasalıptı. Şımkentte bwl körsetkiş 46-ğa köp. Jalpı, oblıstıq kardioortalıqta soñğı 7-8 jılda 3000 jürekke aşıq ota jasalğan.

«Därigerlerimiz şet elderde bilimderin jetildirip, biliktilikterin arttırğan. Kürdeli otalardı meñgerude. Tipti olar jürekti auıstıruğa da dayın» deydi kardioortalıqtıñ bas därigeri Spandiyar Bekjigitov.

Bas därigerdiñ aytuınşa, jürek ırğağınıñ bwzıluı – «jürekşelerdiñ jıbırı» halıq arasında keñinen taralğan sozılmalı auru eken. Atalğan patologiya äyeldermen salıstırğanda er adamdarda 1,5 ese jii kezdesedi. Jürekşelerdiñ jıbırın emdeu qazirgi zamannıñ kardiologiyası men kardiohirurgiya salasında qiındıq tudırıp otır. Eñ bastı qiındıqtardıñ biri – kardiogendi tromboemboliyalar jii mi insul'ttarınıñ tuındauına sebep bolıp, nauqastardıñ ömir süru sapasın tömendetedi. Aytılğan mäsele boyınşa jürek qaqpaqşalarınıñ aqauı men jürekşelerdiñ jıbırın kardiohirurgiyalıq jolmen birge emdeu kürdeli otalardıñ biri bolıp tabıladı. Al, bwl master-klastıñ wyımdastırılu maqsatı da osı –nauqastardı auruınan ayıqtırıp, sapalı wzaq ömir sürulerine ıqpal etu.

Back to top button