"Мен жекпе-жекті екі рет көрдім"

"Мен жекпе-жекті екі рет көрдім"

"Мен жекпе-жекті екі рет көрдім"
ашық дереккөзі
UCNLive порталында бокс туралы жазатын АҚШ-тағы танымал журналистердің бірі Стив Ким орта салмақтағы WBA (Super), IBO, WBC және IBF тұжырымдары бойынша әлем чемпионы Геннадий Головкин (37-0, 33 КО) мен америкалық боксшы Дэниэл Джейкобс (32-2, 29 КО) жекпе-жегінің қорытындысы жайында өз пікірін білдірді.  "Джейкобс жақсы жұмыс істеді. Бірақ оның барлығы оған жекпе-жекте жеңуге көмектесе алмады. Бұл жекпе-жекте Джейкобс жеңіске жетті дегенді тіпті логикалық тұрғыдан түсіндіріп берудің өзі қиын. Егер ол дәл соққыларды көп жасағанда, мүмкін ол жеңіске жетер еді. Бірақ ол өзінің салмағының ауыр болғанына қарамастан да жеңіске жете алмады. Головкиннің пайдасына тіркелген 116:111 есебі шынайы көрсеткіш. Мен бұл кездесуді екі рет көрдім: шаршы алаңның жанында және қайталап. Головкин Джейкобсты жеңді. Бірақ мен Джейкобстың жанкүйерлерінің пікірін өзгертуді сұрамаймын. Мен тек өзімнің пікірімді айтып отырмын. Джейкобс 12 раунд шыдады. Сол үшін де оны құрметтеуге болады. Ол жалпы тактикалық тұрғыдан жақсы кездесу өткізді. Алайда ол жекпе-жекте жеңіске жеткен жоқ. Бұл тек менің ойым. Онымен көбіңіз келіспеуіңіз де мүмкін", - деп жазба қалдырды Ким өзінің твиттер парақшасында. Еске салайық, Головкин мен Джейкобс арасындағы жекпе-жек 18 наурыз күні Madison Square Garden өтіп, 12 раундтың қорытындысы бойынша төрешілердің шешімімен жеңіске жетті.