Тараздық мұғалім «моральға қайшы қылық» жасаған үшін жұмыстан шығарылған, деп хабарлайды turkystan.kz.
Алайда ол сотқа жүгініп, өзінің ешқандай моральға қайшы қылық жасамағанын және оқушылардың ата-аналарымен жанжал оқу процесінің мәселелері бойынша келіспеушіліктерден туындағанын айтты.
2025 жылғы наурызда жүргізілген тексеру барысында педагогикалық әдепті бұзушылықтар анықталмады, бұл жұмыстан шығару туралы бұйрықты даулауға негіз болды.
Сот мұғалімнің әдепсіз мінез-құлық мәселесін педагогикалық этика кеңесі «Педагог мәртебесі туралы» Заң талап еткендей қарастырмағанын анықтады.
Жұмыстан босату туралы шешім әдеп жөніндегі кеңестің қатысуынсыз және жұмыс беруші сілтеме жасаған теріс қылықтарды құжаттық растаусыз қабылданған. Мектептің кәсіподақ комитеті де мұғалімнің бұзушылықтары туралы дәлелдердің жоқтығын көрсете отырып, еңбек шартын бұзуды қолдамады.
Мұндай жағдайда сот жұмыстан босату туралы бұйрықты заңсыз деп танып, ұстазды бастауыш сынып мұғалімі лауазымына қалпына келтіруге шешім қабылдады.
Сонымен қатар, оның пайдасына 1,8 млн теңге мөлшерінде мәжбүрлі жұмыста болмағаны үшін жалақысы, 50 мың теңге моральдық зиянды өтеу және 300 мың теңге сомасында сот шығындары өндірілді.
