Қызметкерлер жұмыс барысында 15–20 минут ұйықтаса, сергіп, шаршағаны басылады, деп хабарлайды turkystan.kz.
Сомнолог, медицина ғылымдарының кандидаты София Черкасованың айтуынша, үлкен жүктемемен жүрген, шаршаған адам үшін күндізгі қысқа ұйқы өте пайдалы. Бұдан бөлек, мұндай демалыс күнді тиімді аяқтауға мүмкіндік береді.
«Күндізгі ұйқыдан кейінгі әлсіздіктен қорқудың қажеті жоқ, себебі ол әдетте 40 минуттан асатын ұйқыға тән. Power nap (қысқа ұйқы – ред.) тәжірибесін енгізген батыс компаниялары оның қызметкерлердің креативтілігін және интеллектуалдық жұмыс қабілетін арттыратынына көз жеткізді», – деді София Черкасова.
