Қазгидромет синоптиктері 12, 13 және 14 тамызға арналған ауа-райы болжамын ұсынды, деп хабарлайды turkystan.kz.
Қазақстанға циклон жақындап келеді
Солтүстік-батыс циклоны Қазақстанға найзағаймен бірге жаңбыр әкеледі, батыста, солтүстік-батыста және солтүстікте қатты жаңбыр, кей өңірлерде бұршақ, дауыл болжанады. Тек республиканың оңтүстігінде жауын-шашынсыз ыстық ауа райы сақталады. Ел бойынша желдің күшеюі, түнгі және таңғы уақытта солтүстікте, шығыста – тұман күтіледі.
Елдің басым бөлігінде ауа температурасының аздап төмендеуі күтіледі:
батыста түнде +13…+18, күндіз +23…+31;
солтүстік-батыста түнде +8…+20, күндіз +18…+28;
солтүстікте түнде +10…+17, күндіз +18…+23;
оңтүстікте түнде +13…+23, күндіз +27…+37.
Қалған өңірлерде температуралық фон елеулі өзгермейді.
Қазақстандағы тамыз айына арналған ауа-райы болжамы
Синоптиктердің болжамынша, 2025 жылғы тамыз айында Қазақстанда ауа райы контрасты болады: кей өңірлерде ыстық болып, жауын-шашын түспейді, ал басқа жерлерде жаңбыр жауып, температура ауытқиды. Айдың алғашқы онкүндігінде солтүстік пен шығыста ауа райы жылып, оңтүстік пен батыста керісінше сәл салқындайды. Кейін ауа райы тұрақсыз болады – ыстық күндер салқын және жаңбырлы күндермен алмасады, найзағай, бұршақ және шаңды дауылдар болуы мүмкін. Жалпы жауын-шашын мөлшері норма шамасында болады, бірақ солтүстік пен шығыста оның мөлшері көбірек түсуі ықтимал.
