Қарбыздан қалған қабықты көпшілігіміз қоқысқа лақтыруға асығамыз. Алайда мамандар қарбыз қабығын қайта пайдалану әрі тиімді, әрі экологиялық шешім екенін айтады, - деп хабарлайды turkystan.kz тілшісі.
Мәскеу мемлекеттік педагогикалық университетінің Табиғи ғылымдар факультетінің деканы міндетін атқарушы Ирина Лялина «Известия» басылымына берген сұхбатында қарбыз қабығының фосфор мен калийге бай екенін, бұл элементтер топырақты жақсартып, өсімдіктердің өсуіне оң әсер ететінін айтты.
Қарбыз қабығынан тыңайтқыш жасауға болады
Лялина қарбыз қабығын компостқа қосуға немесе "жылы төсеніш" әдісімен қолдануға кеңес береді. Ол үшін қабықты жердің бетіне жайып, су сеуіп, араластырып тұру керек. Мұндай органикалық тыңайтқыш қарақат, таңқурай сияқты жеміс бұталарына өте пайдалы. Егер қабықты майдалап, күзде бұталардың түбіне төгетін болсаңыз – тамыры жақсы қоректеніп, келесі жылы мол өнім береді.
Шырыш пен ұлулардан қорғануға көмектеседі
Қарбыз қабығы зиянкестерге қарсы табиғи құрал ретінде де қолданылады. Түнде бақшаға қабықтың ірі бөліктерін тастасаңыз, таңертең астынан шырыш пен басқа да зиянкестерді байқауға болады.
Үй жануарларына беруге де болады
Бұзылмаған қарбыз қабығын сиыр, ешкі сияқты үй жануарларының жеміне қосуға болады. Ал шығармашылыққа жаны жақын адамдар оны кептіріп, гүл отырғызатын ыдыс (кашпо) ретінде қолдана алады.
