Үндістанда найзағайдан 33 адам қаза тапты және ондаған адам жараланды. Бұл жағдай бірнеше күн бойы жалғасқан муссондық жауын-шашын мен дауыл кезінде болған, деп хабарлады turkystan.kz.
Табиғи апаттарға қарсы күрес жөніндегі мемлекеттік басқарманың мәліметінше, Бихар штатында адамдардың қаза табуы сәрсенбі мен бейсенбі аралығындағы күшті дауылдар кезінде болған. Қаза тапқандардың басым бөлігі — ашық аспан астында жұмыс істеген фермерлер мен жұмысшылар.
Штаттың кейбір аймақтарында алдағы күндері нөсер жауын мен найзағай болжанып отыр.
Бихар штатының табиғи апаттар басқармасының министрі Виджай Кумар Мандалдың айтуынша, шенеуніктерге сақтық шараларын күшейту тапсырылған.
Штат үкіметі найзағай салдарынан қаза тапқандардың отбасыларына 4 миллион рупий (шамамен 4 600 АҚШ доллары) көлемінде өтемақы төлейтінін хабарлады.
Бихар билігінің мәліметінше, 2024 жылы найзағайдан кемінде 243 адам қаза тапқан, ал 2023 жылы бұл көрсеткіш 275 адамды құраған.
Үндістанның шығыс аймақтары, соның ішінде Бихар штаты, жыл сайын муссон маусымында су тасқынына ұшырайды. Бұл кезеңде ондаған адам қаза тауып, жүздеген мың тұрғын эвакуацияланады.
