Sotheby’s аукцион үйі әдебиет әлемінің нағыз інжу-маржаны саналатын Ф. Скотт Фицджералдтың "Ұлы Гэтсби" романының қолтаңба қойылған алғашқы басылымын ұсынады. Кітап автордың жары Зельда Фицджералдтың әпкесі Розалинд Сэйр Смит пен оның күйеуі Нюман Смитке берілген сыйлық болған. Аукцион үйі бұл кітапты 250 000 АҚШ долларына бағалап отыр, деп хабарлайды turkystan.kz sothebys.com-ға сілтеме жасап.
Кітаптың алғашқы басылымы 1925 жылы Нью-Йорктегі Charles Scribner's Sons баспасынан шыққан. Бұл дананың құндылығын арттырып тұрғаны Фицджералдтың 1925 жылдың маусым (мамыр) айында жазған арнауы: "For Rosalind and Capitan with affection from Scott and Zelda June (May) 1925." Жазбада Фицджералд Розалинд пен "Капитан" лақап атты күйеуіне деген ілтипатын білдіреді.
Жазушы мен Розалиндтің қарым-қатынас күрделі болған. Розалинд бастапқыдан-ақ Фицджералдтың ішімдікке әуестігін ұнатпаған және оның үйлену тойынан кейін той өткізбегенін кешіре алмаған. Соған қарамастан, Зельда мен әпкесі тығыз қарым-қатынаста болып, Розалинд кейін Зельданың психикалық сырқаты кезінде оған жиі қамқорлық танытқан.
Кітаптың сыртқы мұқабасы алғашқы күйінде сақталған Франсис Кугат салған әйгілі иллюстрациясы бар шағын (8vo) мұқаба, “Jay Gatsby” жазуындағы “j” әрпі қолмен көк сиямен түзетілген. Мұндай жағдай тек алғашқы тираждың бір бөлігіне ғана тән. Жалпы 20 870 дана алғашқы басылымнан кейін бірнеше ай ішінде қосымша 3 000 дана ғана қайта басылған.
Сатуға қойылған бұл сирек экземпляр әдебиет тарихындағы ең маңызды романдардың бірінің, әрі Фицджералд пен Зельданың жеке өмірінен сыр шертетін маңызды жәдігер. Розалинд кейін Фицджералдтың өмірбаянын жазған Артур Мизенерге: "Тағы бір кітап Зельданың көзқарасымен жазылуы мүмкін еді... Бірақ бұл – Скоттың өмірбаяны," – деп жазған. Зельда күйеуінің есімінің ұмытылмауын қалаған: "Скотт өзгелер үшін тым көп түндерін арнады — жас жазушыларға көмектесіп, сәтсіздерді жұбатып, табыстыларды бағалаған"
