Алматы қаласының «Алма Сити» тұрғын үй кешеніндегі төртінші қабаттағы пәтерлердің бірінің балконында қоқыс өртенген, деп хабарлайды turkystan.kz.
Оқиға 4 маусым күні кешке болған. Пәтердің балконында қоқыс өртеніп, өрттің аумағы небәрі бір шаршы метрді құраған.
«Өрт сөндіру бөлімшелері келгенге дейін өртті өтіп бара жатқан азамат – Ахметов есімді тұрғын сөндірді. Ол батылдық танытып, балконға кіріп, жанған қоқысты жерге лақтырған. Осы әрекеті арқылы ол өрттің таралуына және ықтимал ауыр зардаптарға жол бермеді», – деп хабарлады ТЖД.
Сонымен қатар, ведомство өкілдері ер адамды ТЖМ басшысының атынан марапаттауға ұсынғандарын айтты.
