ТЖМ қызметкерлері екі балақайды аман сақтап қалды, деп хабарлайды turkystan.kz.
Елордалық гарнизон диспетчерінің пультіне көпқабатты үйлердің бірінің ашық терезесінде ұзақ уақыт бойы екі жас бала тұрғаны туралы қоңырау түскен.
ТЖМ құтқарушылары куәгерлер мәлімдеген жерге келіп, шанц құралдарының көмегімен есікті ашып, 2017 және 2021 жылы туған екі бала жалғыз отырған пәтерге кірген.
Балалар зардап шеккен жоқ. Құтқарушылар полиция қызметкерлерімен бірге балалардың ата-аналарын күту үшін балалармен бірге қалған.
ТЖМ балаларды ықтимал қауіпте қалдыру қылмыстық жауапкершілікке әкелуі мүмкін екенін еске салады.
