Әлеуметтік желілерде Қайрат Нұртастың журналист Ләйлә Сұлтанқызына берген ескі сұхбатындағы үзінді кең тарап, қызу талқыланып жатыр. Танымал әнші отбасылық өмірі жайлы ашық айтып, әйелі мен балаларына ешқашан қол көтермейтінін жеткізген, деп хабарлайды Azattyq Rýhy.
Сұхбат барысында Ләйлә Сұлтанқызы «Сен Жұлдызға дауыс көтересің бе?» деген сұрақ қойды.
«Әрине айқайлаймын. Бірақ қатты ашуланып айқайлай алмаймын. Мейіріммен айқайлаймын. Баламды ұрып, әйеліме қол көтеріп қатты мінез көрсеткен емеспін. Ашуланған кездер болады, бірақ сондай қатты кеткен кездер болған емес», — дейді ол.
Сұхбат барысында ол отбасындағы ұсақ-түйек реніштердің де болатынын, әсіресе әлеуметтік желілердегі кейбір суреттер себеп болатынын жасырмады. Ләйлә Сұлтанқызының «Қандай жағдайда араларыңнан қара мысық өтеді?» деген сұрағына ол былай деп жауап береді:
«Өте көп қой. Мысалы инстаграмда біреумен құшақтасып суретке түсіп қалса, мен қыздармен түсіп қалсам, реніш болады. Бірақ қазір Жұлдыздың еті үйренді ғой. Қазір сабырмен қарайды, бәрін түсінеді», — дейді ол.
