Səlem Entertainment компаниясы сүйіктісін ұрып-соққан актер Шәрип Серікпен әріптестік қарым-қатынасын тоқтату туралы шешім қабылдады, деп хабарлайды turkystan.kz.
Соңғы оқиғаларға байланысты, Səlem Entertainment ұжымы Шәрип Серікті «қара тізімге» енгізіп, онымен кез келген ынтымақтастықты толығымен тоқтатты.
Бұған дейін жарияланған «Шакал» сериалы мен «Qarga» сериалының үшінші маусымы ресми түрде жабылды. Сонымен қатар, актер «Meow» сериалының екінші маусымында басты рөлдердің бірін сомдауы тиіс болған, алайда ол жобадан толықтай алынып тасталды.
Сондай-ақ «Патруль: последний приказ» фильмінің шығармашылық ұжымы актердің қатысуымен түсірілген көріністерді кинонұсқадан алып тастау жұмыстарын белсенді жүргізуде.
Актермен барлық келісім-шарттар тоқтатылды.
