Оның әрекетінен 15 адам зардап шеккен.
Астанада студенттер мен олардың ата-аналарын алдап, «грантқа ауыстырамын» деп уәде беріп, ақша алған бұрынғы ЖОО қызметкері сотталды, деп хабарлайды turkystan.kz.
Түлектерді жұмыспен қамтуға жәрдемдесу секторында жұмыс істей отырып, ол студенттер мен олардың ата-аналарын академиялық үлгерім, грантқа ауыстыру және стипендияны қайтару мәселелерін «шешіп» бере алатынына сендірген.
2023-2024 жылдар аралығында ол алаяқтық жолмен 3 млн теңгеден астам ақша алған. Оның әрекетінен 15 адам зардап шеккен.
Ол кінәсін мойындап, жәбірленушілерге келтірген шығынды өтеген.
Сот оның кәмелетке толмаған балалары бар екенін ескеріп, 3 жылға бас бостандығын шектеді. Пробациялық бақылау тағайындалды.
