Асу Алмабаевтың UFC-дегі жекпе-жегі мерзімінен бұрын аяқталды
Алмабаев – Дана Уайт ұйымдастырған турнирде басты жекпе-жекке шыққан алғашқы қазақстандық
Бүгін АҚШ-та UFC Fight Night 253 турнирі өтті, оның басты оқиғасы қазақстандық Асу Алмабаев пен Ангола текті португалиялық Манел Капе арасындағы жеңіл салмақтағы жекпе-жек болды.
Vesti.kz порталының жазуынша, бірінші раундта қос спортшы бір-бірін барлап, сақ қимылдады. Алайда Капе белсенді әрекет етіп, кездесудің фавориты ретіндегі мәртебесін ақтауға тырысты. Қазақстандық файтер қарсы шабуыл тактикасымен жұмыс істеп, қарсыласын партерге түсіруге бірнеше рет ұмтылғанымен, ол әрекеттері сәтсіз аяқталды.
Үшінші раундта Асу қарсыласына соққылар сериясын өткізіп алды, нәтижесінде рефери жекпе-жекті тоқтатты. Алмабаев техникалық нокаутпен жеңілді.
Осылайша, португалиялық файтер мансабындағы 21-жеңісіне қол жеткізді, оның еншісінде жеті жеңіліс бар. Ал Асу Алмабаев 21-рет жеңіске жеткенімен, үшінші рет ұтылды.
Бұл жекпе-жекке дейін Капе UFC-дің жеңіл салмақтағы рейтингінде алтыншы орында тұрған, ал Алмабаев сегізінші сатыда еді. Дивизион чемпионы – бразилиялық Алешандри Пантожа (29-5).
Алмабаев – Дана Уайт ұйымдастырған турнирде басты жекпе-жекке шыққан алғашқы қазақстандық.
