Еуропа одағы "ауқымды" тілдік модель жасау үшін 56 млн доллар бөлді. Жоба DeepSeek және OpenAI-мен бәсекелес болуға тиіс.
Алайда бұл қаражат Қытайдың ($137 млрд) және АҚШ-тың ($500 млрд) инвестицияларымен салыстырғанда өте аз.
ЕО-ның бұл қадамы ұйымның технологиялық тәуелсіздікке ұмтылысын көрсетеді. Қазір OpenAI, Google DeepMind және басқа да ірі ойыншылар жасанды интеллект нарығын басқарып отыр. Ал Еуропа реттеу саясатына көбірек назар аударып, өз AI жүйелерін әзірлеуде артта қалып қойған еді. Бұл бастаманың сәтті болуы ЕО-ға сандық егемендікке бір қадам жақындауға мүмкіндік береді, бірақ сарапшылар бөлінген қаржының жеткіліксіз екенін және бәсекелестерден озып кету қиын болатынын айтып жатыр.
