289
Жетісу облысында Жаңа жыл күні жоғалып кеткен шопан табылды
Ер адам Матай ауылдық округінен қой жаюға шыққан, алайда Жаңа жыл қарсаңында онымен байланыс үзілген
Жетісу облысында 31 желтоқсанда жоғалып кеткен шопан мен отар қойы табылды, деп хабарлады Polisia.kz сайты.
Мәлімет бойынша, биыл 3 қаңтарда Ақсу ауданында 31 желтоқсан күні жоғалып кеткен 59 жастағы шопан мен 150-ден астам қойы табылған. Ер адам Матай ауылдық округінен қой жаюға шыққан, алайда Жаңа жыл қарсаңында онымен байланыс үзілген.
"Полицейлер, құтқарушылар мен жергілікті тұрғындар күштерін біріктіріп, үйлесімді әрекеттерінің арқасында шопан мен оның қойлары аман-есен табылды", – делінген хабарламада.
