257
13 жыл бойы жасырынған қылмыскер Жамбыл облысындағы ауылдан ұсталды
Ол 2011 жылы Арқалық маңында бір тоннадан астам марихуана тасымалдаған қылмыстық топ құрамында болған.
13 жылдан астам уақыт бойы жасырынған қылмыскер Жамбыл облысының ауылдарының бірінде ұсталды.
2011 жылы Арқалық маңында бір тоннадан астам марихуана тасымалдаған қылмыстық топ ұсталды. Операция барысында сегіз адам қамауға алынды, бірақ күдіктілердің бірі жасырынып үлгерген.
Іздеу жұмыстарын тоқтатпаған тәртіп сақшылары қаскүнемді құрықтады. Қараша айында ІІМ криминалдық полиция департаментінің қызметкерлеріне іздеуде жүрген адамның Жамбыл облысының ауылдарының бірінде екендігі туралы жедел ақпарат келіп түсті.
Жүргізілген жедел-іздестіру іс-шараларының нәтижесінде күдікті ұсталып, уақытша ұстау изоляторына қамалды.
