Шавкат Рахмонов UFC 310 турнирінде өнер көрсететін болды
DAR Team қазақстандықтың айқасына қатысты мәлімдеме жасады.
Аралас жекпе-жек шебері Шавкат Рахмоновтың командасы DAR Team қазақстандықтың айқасына қатысты ресми мәлімдеме жасады, деп хабарлайды turkystan.kz порталы Prosports.kz сайтына сілтеме жасап.
Ұйым отандасымыз 7 желтоқсан күнге жоспарланған жекпе-жегі өтетінін хабарлады.
DAR Team өзінің Instagram-дағы парақшасында Шавкатпен октагонға шығуға жақсы бір қарсылас келісім бергенін жазды.
«Сонымен, бізде жақсы жаңалық бар, жақсы біреу жекпе-жекке келісті. UFC 310 күшінде», - делінген жазбада.
Дегенмен жартылай орта салмақ өкілінің қарсыласының аты әлі де белгісіз. UFC 310 турнирі 7 желтоқсан күні Невада штатында (АҚШ) өтеді.
Әзірге промоушеннің өзі ешқандай ресми мәлімдеме жасаған жоқ.
Айта кетсек, қазақстандық файтер UFC 310 турнирінде жартылай орта салмақтағы қазіргі чемпион Белал Мұхаммедпен жұдырықтасуы керек еді. Алайда, Палестина жауынгері денсаулығына байланысты жекпе-жектен бас тартты.
