222
Шымкентте есірткі зертханасын ұйымдастырған екі шетелдік азамат ұсталды
Түркістан облысының ҰҚК департаменті синтетикалық есірткі өндіретін жасырын зертхананы анықтады.
Есірткі заттарын дайындап жатқан кезінде екі шетелдік азамат ұсталды, деп хабарлайды turkystan.kz.
4 кг психотроптық «мефедрон», есірткі дайындайтын 50 литр сұйықтық, ірі мөлшерде шетел валютасы, сондай-ақ синтетика дайындайтын зертханалық құрал-жабдық тәркіленді.
Қылмыстық кодекстің 297-бабы 3-бөлігі бойынша сотқа дейінгі тергеу жүргізіліп жатыр.
Қылмыстық-процессуалдық кодекстің 201-бабының 1-бөлігіне сәйкес басқа ақпарат жарияланбайды.
