«Қызды өлтіріп, суға лақтырып кеткен»: 15 жылдан кейін қылмыс ашылды
Үкім заңды күшіне енген жоқ және шағымдануға болады
11 шілдеде Павлодар облысының мамандандырылған ауданаралық қылмыстық сотында Б. есімді азаматқа қатысты қылмыстық іс қаралды, деп хабарлады turkystan.kz Ulysmedia.kz-ке сілтеме жасап.
Қайғылы оқиға 2009 жылдың 6 шілдесінде болған. Мас болып қалған Б. Өзара сөзге келіп қалған К-ні тұншықтырып өлтіріп, денесін көлге батырып жібереді. Сотталушының кінәсі өзінің айғақтарымен, сот сараптамасының қорытындыларымен және сотта зерттелген басқа да дәлелдермен дәлелденді.
Б-ның әрекеттері ҚР ҚК 96-бабының 1-бөлігіне сәйкес (қылмыс жасалған кездегі редакцияда) аса ауыр қылмыс ретінде сараланады. Ол үшін 15 жылға дейінгі мерзімге бас бостандығынан айыру түріндегі жаза көзделген. Б. бұрын сотталғанын және жазасын бас бостандығынан айыру орындарында өтегенін ескере отырып, сот оған қылмыстар жиынтығы бойынша қылмыстық-атқару жүйесінің мекемелерінде барынша қауіпсіздікті өтей отырып, 18 жыл бас бостандығынан айыруды тағайындады.
Үкім заңды күшіне енген жоқ және шағымдануға болады.
