Қостанайлық «Тобыл» УЕФА Еуропа лигасының бірінші іріктеу кезеңінде ірі есеппен жеңілді, деп хабарлады turkystan.kz порталы Prosports.kz сайтына сілтеме жасап.
Командалар арасындағы алғашқы матч «Чебрат» стадионында өтті.
Ойын есебін 9-минутта «Тобыл» ойыншысы Игорь Иванович ашты. Екі минуттан соң Симон Да Силва есепті теңестірсе, 40-минутта алаң иелері сапында Александер Селецки қарсылас команданың ұпайын еселеді.
45-минутта Давид Энин допты бос қақпада тулатып, қонақтар таразы басын теңестіре алды. Бірақ үзіліске дейін словакиялықтар қайта гол соқты - Матуш Мали өз командасының үшінші голын салды.
Екінші таймда алаң иелері тағы екі гол соқты. 77-минутта Матей Мадленак қақпаға доп салса, матч соңында Мали ойын нүктесін қойды. Есеп - 5:2. Бір қызығы, қостанайлықтар бес голдың төртеуін бұрыштамадан жіберіп алды.
Енді 18 шілдеде командалар Қостанайда қарымта матч өткізеді.
