Юлия Путинцева Уимблдон турнирінің екінші айналымына шықты.
Қазақстандық теннисші алғашқы айналымда «Үлкен дулыға» жарысының үш дүркін чемпионы, әлемнің экс 1-ракеткасы, қазіргі кезде 221-орында тұрған германиялық Анжелика Кербермен кездесті, деп хабарлады turkystan.kz.
Путинцева матчты қарқынды бастады. Есеп – 3:0. Бұдан кейін Кербер есепті теңестіргенімен, қазақстандық спортшы есесін жібермеді. Есеп – 7:5.
Екінші сетте есеп 4:3 болған мезетте Юлия брейк жасап, матчты жеңіспен түйіндеді. Есеп – 6:3.
Юлия Путинцева үшінші айналымға шығу үшін әлемнің 36-ракеткасы, чехиялық Катержина Синяковамен ойнайды.
