Бозбаланы зорлаған: мәнерлеп сырғанаушы жарыстардан шеттетілді
Италиядағы жаттығу жиынында спортшы қос бойжеткен ішімдікке сылқия тойып, олардың бірі конькимен мәнерлеп сырғанаушы жасөспірімді күштеп төсек қатынасына тартқан
![Бозбаланы зорлаған: мәнерлеп сырғанаушы жарыстардан шеттетілді](https://turkystan.kz/cache/imagine/1200/uploads/resized-images/2024/06/1719145217.jpeg)
Оңтүстік Кореяның Конькимен жүгіру спорты федерациясы құрамасының екі өкілі жарыстардан шеттетілді. Италиядағы жаттығу жиынында спортшы қос бойжеткен ішімдікке сылқия тойып, олардың бірі конькимен мәнерлеп сырғанаушы жасөспірімді күштеп төсек қатынасына тартқан, деп хабарлады turkystan.kz zakon.kz-ке сілтеме жасап.
Ішімдікке тойып алған бойжеткен спортшы жасөспірім бозбаланы қыздарға арналған жатақханадағы өз бөлмесіне шақырып алып, оны жыныстық қатынасқа күштеген.
Ал екінші бойжеткен болған оқиғаны телефонындағы камераға түсіріп алған. Жиындар 15-28 мамыр аралығында өтті. 21 маусымда Конькимен жүгіру спорты федерациясының отырысы өтті, оның қорытындысы бойынша айыпты қызды спорттан үш жылға шеттету туралы шешім қабылданды. Екінші мәнерлеп сырғанаушы да спорттық жиындар аумағында спирттік ішімдік тұтынғаны үшін жарыстардан шеттетілді.
Енді олар Миландағы (Италия) 2026 жылғы Олимпиада ойындарына қатыса алмайды. Зардап шеккен жасөспірімге қатысты қалыптасқан режимді бұзғаны үшін сөгіс берілді, өйткені ол қыздар жатақханасына өз бетімен барған.