Дзюдошы Әбиба Әбужақыноваға атақ берілді

Әбиба Әбужақыноваға Қазақстан Республикасының еңбек сіңірген спорт шебері жоғары дәрежелі атағы берілді.

Дзюдошы Әбиба Әбужақыноваға атақ берілді
instagram.com/qaz_team_official

Дзюдошы Әбиба Әбужақынова Қазақстанның еңбек сіңірген спорт шебері атағына ие болды. Бұл туралы «Жеңіс» дзюдо клубының баспасөз қызметі мәлімдеді.

«Әбиба Әбужақыноваға Қазақстан Республикасының еңбек сіңірген спорт шебері жоғары дәрежелі атағы берілгенін қуана хабарлаймыз», - делінген мәлімдемеде.

48 кг салмақ дәрежесінде белдесетін Әбиба Әбужақынова – дзюдодан Қазақстан әйелдер құрамасының үздігі. Ол – әлем чемпионатының екі дүркін қола медаль иегері, Grand Slam турнирінің жеті дүркін жүлдегері, Grand Prix рейтингтік турнирінің жеңімпазы, Азия чемпионатының екі мәрте күміс жүлдегері.