Қыз зорлады деп айыпталған: Ақталып шыққан блогер қайтадан сотталды

Қылмыстық істер жөніндегі сот алқасы Д.Ерханатқа қатысты қылмыстық істі қарады.

Қыз зорлады деп айыпталған: Ақталып шыққан блогер қайтадан сотталды
Фото: instagram.com

Сот процесі ҚПК-нің 29-бабына сәйкес жабық режимде өтті, деп хабарлады turkystan.kz Жоғарғы Соттың баспасөз қызметіне сілтеме жасап.

 

«Бұған дейін бірінші сатыдағы соттың үкімімен Ерханат зорлау бойынша кінәлі деп танылған болатын (ҚК-нің 120-бабының 1-бөлігі). Оған 5 жылға бас бостандығынан айыру жазасы тағайындалған. Апелляциялық саты бірінші сатыдағы сот үкімінің күшін жойып, ақтау үкімін шығарған. Қылмыстық іс материалдарын зерделеген алқа Ерханаттың кінәсі дәлелденді деп таныды. Қорғаушы тараптың дәлелдері жиналған дәлелдемелермен жоққа шығарылады. Заң талаптарына байланысты басқа ақпарат ұсынылмайды», - делінген хабарламада.

Жоғарыда айтылғандардың негізінде кассациялық алқа ақтау үкімін бұзып, бірінші сатыдағы соттың айыптау үкімін күшінде қалдырды.