Ел құрамасы велоспорттан Азия чемпионатында көш бастады

Алматыда тас жолдағы велоспорттан Азия чемпионаты аяқталып, Қазақстан құрамасы жалпы есепте көш бастады.

Біздің команданың еншісінде 6 алтын, 3 күміс және 6 қола медаль бар.  Екінші орында 2 алтын, 1 күміс иеленген Қытайлық  Тайпей командасы тұр.  Үздік үштікті 2 алтын жүлдесі бар Оңтүстік Корея түйіндеді.

Құрлық додсында Өзбекстан, Индонезия, Қытай, БАӘ командалары 1 алтыннан еншілеген.

Еске салсақ, Қазақстан құрамасы ересектер арасындағы аралас командалық эстафетадан (Федоров Евгений, Груздев Дмитрий, Чжан Игорь, Рината Сұлтанова,  Махаббат Үмітжанова, Фаина Потапова) ;

• жасөспірімдер арасындағы аралас командалық эстафетадан (Батырхан Алик, Мансур Бейсембай, Михаил Подлужный, Ангелина Буренкова, Евгения Заам и Екатерина Удовыкина);
• ерлер арасындағы жекелей сыннан (Евгений Федоров);
• жасөспірім қыздар арасындағы жекелей сыннан (Мария Елькина):
• андерлер арасындағы жекелей сыннан (Николя Винокуров)
• және андер қыздар арасындағы жекелей сыннан (Ақпейіл Өсім) алтын алды.