Алматыда салынып жатқан тұрғын үй кешені өртенді

Алматының Алатау ауданында салынып жатқан тұрғын үй кешенінен өрт шықты, деп хабарлады turkystan.kz.

Алматы қалалық ТЖД 18 наурыз күні сағат 13:58-де Алатау ауданында, Момышұлы көшесі, Универсиадная көшесінің бұрышында салынып жатқан 5 қабатты тұрғын үйге өрт сөндірушілердің жіберілгенін хабарлады.

«Оқиға орнына жеткен сәтте салынып жатқан бес қабатты тұрғын-үй кешенінің бірінші қабатында пластикалық құбырлардың өртенгені анықталды. Өрттің аумағы — 15 шаршы метр. Өрт сағат 14:08–де сөндірілді. Зардап шеккендер болған жоқ», — деп хабарлады ТЖД баспасөз қызметі.

Өртті сөндіруге ТЖД жеке құрамынан 13 адам, мен үш техника жұмылдырылды.