Елордада көпқабатты тұрғын үйден өрт шықты, деп хабарлады turkystan.kz inform.kz сайтына сілтеме жасап.
«29 ақпанда сағат 14:05-те қалалық өрт сөндіру бөлімшесіне Төле би көшесі, 16 мекенжайында өрт туралы хабарлама келіп түсті. Оқиға орнына барған өрт сөндірушілер 17 қабатты салынып жатқан тұрғын үй кешенінің жабынында 10 шаршы метр аумақта рубероид және жылытқыштың (минералды мақта) жанып жатқанын анықтады. Сағат 14:24 минутта өрт ауыздықталды», - делінген Астана қаласы Төтенше жағдайлар департаментінің баспасөз қызметі таратқан ақпаратта.
Тілсіз жаумен күреске 17 маман және 4 техника жұмылдырылды.