877
Алматыда автобус өртенді
Автобус салонында жолаушылар болған жоқ.
![Алматыда автобус өртенді](https://turkystan.kz/cache/imagine/1200/uploads/resized-images/2024/02/1709020522.png)
Алматыда автобус өртенді, деп хабарлады turkystan.kz.
Алматы қалалық ТЖД-ның мәліметінше, сағат 11:45-те Алатау ауданының құтқарушылары Қарасу ықшамауданында автобустың жанып жатқаны туралы хабарламаға шықты.
Құтқарушылар сағат 11:53-те жетті. Автобус салонында жолаушылар болған жоқ.
10 шаршы метр аумақты шарпыған өрт сағат 12.00-де сөндірілді. Қаза тапқандар мен зардап шеккендер болған жоқ. Өрттің шығу себебі анықталуда.
Жалынды сөндіруге қалалық ТЖД-ның 10 адамы мен 2 техникасы жұмылдырылды.