1131
Парламент сенатының жаңа депутаты ант берді
Сондай-ақ ол Парламент Сенатының тұрақты комитетінің құрамына кірді.
Парламент Сенатының депутаты Бибігүл Аққожина ант берді.
- Өздеріңізге белгілі, 20 желтоқсанда Қостанай облысында өткен сайлауда Парламент Сенатының депутаты болып Бибігүл Аққожина сайланды, - деді Сенат төрағасы Мәулен Әшімбаев.
Әшімбаев жаңадан сайланған әріптесін құттықтап, жұмысына сәттілік тіледі.
Конституциялық нормаларға сәйкес жаңадан сайланған депутат палата отырысында ант берді.
- Қазақстан халқына адал қызмет етуге, ҚР тұтастығы мен тәуелсіздігін нығайтуға, оның Конституциясы мен заңдарына қатаң бағынуға, депутаттың өзіме жүктелген мәртебелі міндеттерін адал атқаруға ант етемін, - деп ант берді Аққожина.
Сондай-ақ ол Парламент Сенатының тұрақты комитетінің құрамына кірді.
