Павлодарда өрт кезінде пәтер иесі көз жұмды
Өртті ауыздықтауға жеке құрамнан 36 адам және тоғыз техника жұмылдырылды.
Өрт темекі шегу кезінде отты абайсыз пайдалану салдарынан болған, деп хабарлады turkystan.kz.
Pavlodarnews.kz сайтының мәліметінше, түнде сағат 00:37-де 101 пультіне Сұрағанов көшесі, 22 мекенжайы бойынша пәтерден түтін шығып жатқаны туралы хабарлама түскен.
«Құтқарушылар дереу оқиға орнына келген кезде бесінші қабатта орналасқан үш бөлмелі пәтерде үй заттары, жиһаздардың жанып жатқаны, пластикалық терезелер балқып кеткені анықталды. Жалпы жану алаңы 10 шаршы метрді құрайды», – делінген хабарламада.
Кіреберіс металл есік арнайы құралмен ашылды. Газ-түтіннен қорғау қызметі 1977 жылы туған пәтер иесін ес-түссіз күйде шығарып, жедел жәрдем қызметіне тапсырды.
«Сағат 01:15-те өрт сөндіру қызметі тұрғын қаза тапқанын мәлімдеді. Өрт сөндіру бөлімшелері келгенге дейін 10 адам баспалдақпен өздігінен эвакуацияланды, – делінген хабарламада.
Тілсіз жауды ауыздықтауға жеке құрамнан 36 адам және тоғыз техника жұмылдырылды. Өрт сөндірушілердің күшімен сағат 00:59-да өрт толығымен сөндірілді.
