Елдос Сметов бастаған дзюдошылар Токиодағы турнирге барады

Жапония астанасы Токиода дзюдодан Grand Slam турнирі өтеді. Аталған бәсеке 2-3 желтоқсан аралығында ұйымдастырылмақ, деп хабарлады turkystan.kz.

Ұлттық олимпиадалық комитеттің мәліметінше, Қазақстан атынан ерлер 7 салмақта, әйелдер 4 салмақта татамиге шығады. Жарысқа қатысатын спортшылар қатарында Олимпиаданың екі дүркін жүлдегері Елдос Сметов пен әлем чемпионатынан жүлде алған тұңғыш қазақ қызы Абиба Әбужақынова да бар. 

Токиодағы Grand Slam турниріне қатысатын Қазақстан командасы: 

Ерлер:

60 келі: Нұрқанат Серікбаев, Елдос Сметов;

66 келі: Нұрзат Сәлімбаев, Ғұсман Қырғызбаев;

73 келі: Данияр Шамшаев, Асқар Нарқұлов;

81 келі: Абылайхан Жұбаназар, Руслан Мұсаев;

90 келі: Айдар Арапов, Ермахан Әнуарбеков;

100 келі: Нұрлыхан Шархан, Бекарыс Сәдуақас;

+100 келі: Ғалымжан Қырықбай, Ерасыл Қажыбаев.

Әйелдер:

48 келі: Ғалия Тынбаева, Абиба Әбужақынова;

63 келі: Эсмигүл Куюлова;

70 келі: Екатерина Токарева;

+78 келі: Кәмила Берліқаш, Назгүл Маратова.

 Айтулы додада әлемнің 88 елінен 534 спортшы бақ сынайды.