Қызылорда облысында КамАЗ бен автобус соқтығысып, 4 адам ауруханаға түсті, деп хабарлады turkystan.kz.
Оқиға 26 қараша күні сағат 18:50 шамасында Қызылорда облысы Жалағаш ауданы Аққұм ауылы тұсында <М-32> Шымкент-Самара тас жолы бойында болған.
«КаМАЗ автокөлігінің тас тиелген тіркемесі босап кетіп, қарсы бағытта Шымкент қаласына бара жатқан автобусқа соқтығысқан. Салдарынан 4 автобус жолаушысы түрлі дене жарақаттарымен аудандық ауруханаға түскен», – делінген хабарламада.
Оқиға бойынша ҚР ҚК-нің 345-бабының 2-бөлігімен қылмыстық іс тіркеліп, тергеп-тексеру әрекеттері жүргізілуде.